मंगलबार, १६ भदौ २०८३ |
Tuesday, September 01, 2026
Sustainable Finance | Financial Literacy | Sustainable Future
भोटेकोशी बाढीमा मृत्यु हुनेको संख्या ७९४ पुग्यो, २,५०० अझै बेपत्ता
आइतबार, १४ भदौ २०८३, राति ८:११
भोटेकोशीमा आएको विनाशकारी बाढीका कारण मृत्यु हुनेको संख्या ७९४ पुगेको छ। नेपाल प्रहरीले आइतबार साँझसम्म विभिन्न जिल्लाबाट ७९४ जनाको शव फेला परेको जनाएको छ।
प्रहरीका अनुसार रसुवामा १३, नुवाकोटमा ५२, धादिङमा ५०, गोरखामा ६१, चितवनमा २६४, तनहुँमा ३७, नवलपरासी पूर्वमा १९७ र नवलपरासी पश्चिममा १२० जनाको शव फेला परेको छ। बाढीका कारण तल्लो तटीय क्षेत्रमा समेत ठूलो जनधनको क्षति भएको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार अझै करिब २,५०० जना बेपत्ता छन्। हालसम्म ९,४३५ जनाको उद्धार गरिएको प्राधिकरणले जनाएको छ। बेपत्ताको खोजी तथा उद्धारका लागि २० हजारभन्दा बढी सुरक्षाकर्मी परिचालन गरिएको छ। खोजी तथा उद्धार कार्यलाई थप तीव्र पारिएको जनाइएको छ।
प्रतिक्रिया 0