Sustainable Finance | Financial Literacy | Sustainable Future
नेपालले जित्यो एसीसी प्रिमियर कपको उपाधि, युएई ४४ रनले पराजित
शनिबार, २७ भदौ २०८३, दिउँसो ३:३०
काठमाडौँ । नेपालले मलेसियाको क्वालालम्पुरस्थित बायुमास ओभलमा भएको एसीसी मेन्स प्रिमियर कपको फाइनलमा संयुक्त अरब इमिरेट्स (यूएई) लाई पराजित गर्दै उपाधि जितेको छ। नेपालले दिएको ३१४ रनको लक्ष्य पछ्याएको यूएई ४९.२ ओभरमा २६८ रनमा अलआउट भयो। यससँगै नेपालले ४४ रनको जित दर्ता गरेको छ।
पहिले ब्याटिङ गरेको नेपालले निर्धारित ५० ओभरमा ९ विकेट गुमाएर ३१३ रन बनाएको थियो। नेपालको इनिङ्समा आसिफ शेखले १०२ रनको शतकीय योगदान दिए। उनले १०६ बलमा ८ चौका र ४ छक्का प्रहार गरे। त्यस्तै अर्जुन कुमालले ४३, रोहित पौडेलले ४० र गुलशन झाले ५२ रन बनाए। गुलशनले ३८ बलमा ३ चौका र ४ छक्का प्रहार गर्दै तीव्र गतिमा रन जोडे।
बलिङतर्फ नेपालका करण केसीले ३ विकेट लिए भने ललित राजवंशीले २ विकेट लिए। सन्दीप लामिछाने, दीपेन्द्रसिंह ऐरी र रोहित पौडेलले समान १–१ विकेट लिए। यूएईका लागि राहुल चोपडाले शतक बनाउँदै १०० रनको उत्कृष्ट इनिङ्स खेले पनि अन्य ब्याटरबाट पर्याप्त साथ नपाउँदा यूएई लक्ष्यसम्म पुग्न सकेन।
यस जितसँगै नेपालले एसीसी प्रिमियर कपको उपाधि आफ्नो नाममा गरेको छ। फाइनलमा नेपालले ब्याटिङ र बलिङ दुवैमा बलियो प्रदर्शन गर्दै यूएईमाथि निर्णायक जित निकालेको हो।
प्रतिक्रिया 0