Sustainable Finance | Financial Literacy | Sustainable Future
मध्यपूर्व तनावबीच ट्रम्पद्वारा इरानसँग वार्ताको घोषणा
सोमबार, १८ श्रावण २०८३, दिउँसो १:०६
अमेरिकी राष्ट्रपति डोनाल्ड ट्रम्पले अमेरिका र इरानबीच सोमबार नयाँ चरणको वार्ता सुरु हुने बताएका छन्। न्यू जर्सीस्थित बेडमिन्स्टरमा सञ्चारकर्मीसँग कुरा गर्दै उनले वार्ताबाट सकारात्मक नतिजा आउने विश्वास व्यक्त गरे पनि सम्झौताका लागि कुनै निश्चित समयसीमा नराखिएको स्पष्ट पारे।
ट्रम्पका अनुसार वार्ताको मुख्य एजेन्डामा इरानको आणविक कार्यक्रम र विश्व ऊर्जा आपूर्तिका लागि अत्यन्त महत्वपूर्ण मानिने होर्मुज जलडमरूमध्यको अवस्था रहनेछ। उनले राम्रो सम्झौता भए स्वागत गरिने तर हतारमा निर्णय नलिइने बताए।
यसअघि सम्भावित सैन्य कारबाहीको चेतावनी दिएका ट्रम्पले अहिले भने कूटनीतिक प्रयासलाई प्राथमिकता दिँदै नियोजित आक्रमण स्थगित गरिएको बताएका छन्। यद्यपि, वार्ता सफल नभए आवश्यक परे अमेरिका अन्य विकल्प अपनाउन तयार रहेको संकेत पनि दिएका छन्।
विश्लेषकहरूका अनुसार अमेरिका–इरान वार्ताको नतिजाले मध्यपूर्वको सुरक्षा अवस्था, अन्तर्राष्ट्रिय तेल बजार र विश्व अर्थतन्त्रमा प्रत्यक्ष प्रभाव पार्न सक्ने अपेक्षा गरिएको छ।
प्रतिक्रिया 0