Sustainable Finance | Financial Literacy | Sustainable Future
कुमारी बैंकको शानदार कमब्याक, खुद नाफा ७.३९ अर्ब
नाफामा ३०६ प्रतिशतको वृद्धि, ईपिएस २८.१७ र डिपिएस ३.०२ रुपैयाँ
बुधबार, २७ श्रावण २०८३, बिहान १०:३१
काठमाडौं । कुमारी बैंक लिमिटेडले आर्थिक वर्ष २०८२/८३ को चौथो त्रैमाससम्ममा ७ अर्ब ३८ करोड ७२ लाख रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिको तुलनामा ३०५.९६ प्रतिशतले बढी हो। अघिल्लो वर्ष बैंकको खुद नाफा १ अर्ब ८१ करोड ९७ लाख रुपैयाँ थियो।
नाफासँगै बैंकको वितरणयोग्य मुनाफा पनि ऋणात्मकबाट धनात्मक भएको छ। समीक्षा अवधिमा वितरणयोग्य मुनाफा ७ करोड ९२ लाख रुपैयाँ पुगेको छ। अघिल्लो वर्ष यस्तो मुनाफा ३८ करोड ५० लाख रुपैयाँ ऋणात्मक थियो।
बैंकको सञ्चालन नाफा पनि १०१.०९ प्रतिशतले बढेर ११ अर्ब २३ करोड ५५ लाख रुपैयाँ पुगेको छ। अघिल्लो वर्ष सञ्चालन नाफा ५ अर्ब ५८ करोड ७२ लाख रुपैयाँ थियो।
बैंकको कुल सञ्चालन आम्दानी १६ अर्ब ३५ करोड ८४ लाख रुपैयाँ पुगेको छ। यसमध्ये खुद ब्याज आम्दानी १२ अर्ब १ करोड ३१ लाख रुपैयाँ र खुद शुल्क तथा कमिसन आम्दानी ३ अर्ब ४ करोड ८९ लाख रुपैयाँ रहेको छ। खुद शुल्क तथा कमिसन आम्दानी अघिल्लो वर्षको तुलनामा १४.५५ प्रतिशतले बढेको हो।
बैंकको ग्राहक निक्षेप १०.४५ प्रतिशतले बढेर ४०२ अर्ब ७४ करोड रुपैयाँ पुगेको छ। त्यस्तै, कर्जा तथा सापटी ४.०७ प्रतिशतले बढेर २७० अर्ब ९२ करोड रुपैयाँ पुगेको छ।
बैंकको प्रतिसेयर आम्दानी (EPS) २८.१७ रुपैयाँ पुगेको छ। अघिल्लो वर्ष EPS ६.९४ रुपैयाँ थियो। त्यस्तै, प्रतिसेयर नेटवर्थ १७०.८० रुपैयाँ पुगेको छ।
यता, बैंकको खराब कर्जा (NPL) भने ६.९५ प्रतिशतबाट बढेर ७.४६ प्रतिशत पुगेको छ। क्रेडिट टु डिपोजिट रेसियो ७७.१४ प्रतिशत तथा पूँजी कोष अनुपात १३.५५ प्रतिशत रहेको छ।
समग्रमा, कुमारी बैंकको चौथो त्रैमासिक वित्तीय विवरणमा नाफा र सञ्चालन नाफामा उल्लेख्य सुधार हुनुका साथै वितरणयोग्य मुनाफा ऋणात्मकबाट धनात्मक भएको देखिएको छ। तर खराब कर्जाको अनुपात बढेकाले सम्पत्तिको गुणस्तर व्यवस्थापन बैंकका लागि महत्वपूर्ण पक्ष बनेको छ।
प्रतिक्रिया 0