Sustainable Finance | Financial Literacy | Sustainable Future
गरिमा विकास बैंकको नाफा ३५.३४ प्रतिशतले बढ्यो
वितरणयोग्य नाफा र प्रतिशेयर आम्दानीमा उल्लेखनीय सुधार
बिहीबार, २१ श्रावण २०८३, बिहान ११:३५
काठमाडौं। गरिमा विकास बैंकले आर्थिक वर्ष २०८२/८३ को चौथो त्रैमास (असार मसान्त) सम्मको अपरिष्कृत वित्तीय विवरण सार्वजनिक गरेको छ। बैंकले समीक्षा अवधिमा अधिकांश प्रमुख वित्तीय सूचकमा उल्लेखनीय सुधार गर्दै नाफा, सञ्चालन आम्दानी, कर्जा तथा निक्षेप विस्तारमा सकारात्मक प्रदर्शन गरेको छ।
बैंकको खुद नाफा एक वर्षअघिको रु. १ अर्ब २४ करोड ७६ लाख बाट बढेर रु. १ अर्ब ६८ करोड ८६ लाख पुगेको छ। यो ३५.३४ प्रतिशत को वार्षिक वृद्धि हो।
यसैगरी सञ्चालन नाफा रु. १ अर्ब ८० करोड ८६ लाख बाट बढेर रु. २ अर्ब ५८ करोड १ लाख पुगेको छ, जुन ४२.६५ प्रतिशत ले बढी हो।
बैंकको कुल सञ्चालन आम्दानी पनि ७.२७ प्रतिशत बढेर रु. ४ अर्ब ५६ करोड ७४ लाख पुगेको छ। खुद ब्याज आम्दानी ५.६४ प्रतिशत बढेर रु. ३ अर्ब ८१ करोड ५६ लाख पुगेको छ भने नेट शुल्क तथा कमिसन आम्दानी २१.२१ प्रतिशत वृद्धि भई रु. ६१ करोड ९२ लाख पुगेको छ।
बैंकको नाफा वृद्धि हुनुमा इम्पेयरमेन्ट चार्जमा आएको ठूलो कमी प्रमुख कारण देखिएको छ। गत वर्ष रु. ६४ करोड ७१ लाख रहेको इम्पेयरमेन्ट चार्ज यस वर्ष घटेर रु. ४ करोड ९० लाख मा सीमित भएको छ।
वितरणयोग्य नाफा १०३.२६ प्रतिशत ले बढेर रु. १ अर्ब २१ करोड ७९ लाख पुगेको छ। यससँगै वितरणयोग्य प्रतिशेयर आम्दानी रु. १०.५५ बाट बढेर रु. २०.२३ पुगेको छ।
बैंकको प्रतिशेयर आम्दानी (EPS) रु. २१.९६ बाट बढेर रु. २८.०४ पुगेको छ भने प्रतिशेयर नेटवर्थ रु. १६४.१७ बाट बढेर रु. १७७.२६ पुगेको छ।
व्यवसाय विस्तारतर्फ हेर्दा बैंकको निक्षेप ९.२७ प्रतिशत वृद्धि भई रु. ९८ अर्ब ४७ करोड पुगेको छ। त्यस्तै कर्जा लगानी १३.१८ प्रतिशत बढेर रु. ७८ अर्ब २४ करोड पुगेको छ। यसले बैंकले निक्षेपसँगै कर्जा विस्तारलाई पनि सन्तुलित रूपमा अघि बढाएको संकेत गर्छ।
पूँजीतर्फ चुक्ता पूँजी ६ प्रतिशत बढेर रु. ६ अर्ब २ करोड पुगेको छ भने जगेडा तथा सञ्चित कोष २९.८४ प्रतिशत वृद्धि भई रु. ४ अर्ब ६५ करोड पुगेको छ। Retained Earnings पनि रु. ५९ करोड ९२ लाख बाट बढेर रु. १ अर्ब २१ करोड ७९ लाख पुगेको छ।
यद्यपि, बैंकको निष्क्रिय कर्जा (NPL) ४.६९ प्रतिशत बाट सामान्य बढेर ४.७६ प्रतिशत पुगेको छ। पूजी पर्याप्तता अनुपात (CAR) भने १३.२० प्रतिशत बाट बढेर १३.६३ प्रतिशत पुगेको छ, जसले नियामकीय पूँजी पर्याप्तता कायम रहेको देखाउँछ।
यसैबीच कर्जा निक्षेप अनुपात (CD Ratio) ८५.१३ प्रतिशत बाट ८६.१४ प्रतिशत पुगेको छ। आधार दर ६.९४ प्रतिशत बाट घटेर ५.२६ प्रतिशत मा आएको छ भने Interest Rate Spread पनि ४.३७ प्रतिशत बाट ४.०४ प्रतिशत मा झरेको छ।
समग्रमा, गरिमा विकास बैंकले आर्थिक वर्ष २०८२/८३ मा नाफा, सञ्चालन आम्दानी, कर्जा विस्तार, वितरणयोग्य नाफा र प्रतिशेयर आम्दानीमा उल्लेखनीय सुधार गरेको देखिन्छ। यद्यपि निष्क्रिय कर्जामा सामान्य वृद्धि भएकाले आगामी अवधिमा सम्पत्ति गुणस्तर व्यवस्थापन बैंकका लागि महत्त्वपूर्ण रहने देखिन्छ।
प्रतिक्रिया 0