Sustainable Finance | Financial Literacy | Sustainable Future
नेप्से २० अंकले घट्यो, ३ अर्ब २७ करोडको कारोबार
सोमबार, १९ आश्विन २०८३, दिउँसो ३:३९
काठमाडौं– साताको पहिलो कारोबार दिन सोमबार नेपाल स्टक एक्सचेन्ज (नेप्से) परिसूचकमा उल्लेख्य गिरावट आएको छ। नेप्से परिसूचक २०.४८ अंकले घटेर २,५६६.७६ विन्दुमा बन्द भएको हो।
अघिल्लो कारोबार दिन शुक्रबार नेप्से २,५८७.२५ विन्दुमा बन्द भएको थियो। त्यसको तुलनामा सोमबारको परिसूचक ०.७९ प्रतिशतले घटेको हो। साताको सुरुवाती कारोबारमै बजारमा बिक्री चाप देखिँदा नेप्से दबाबमा परेको हो।
सोमबार बजारमा कुल ९० लाख ३ हजार ३८८ कित्ता सेयर किनबेच भएका छन्। दिनभरको कारोबार रकम भने रु. ३ अर्ब २७ करोड ९५ लाख ९ हजार ८३६ पुगेको छ।
कारोबारको सुरुवातदेखि नै बजारमा उतारचढाव देखिएको थियो। कारोबार अवधिमा नेप्से माथि उक्लिन खोजे पनि क्रमशः दबाब बढ्दै गएपछि परिसूचक घटेर बन्द भएको हो। कारोबारको अन्तिमतिर केही सुधार देखिए पनि त्यसले बजारलाई अघिल्लो दिनको स्तरमा फर्काउन सकेन।
सोमबारको कारोबारले २,६०० विन्दुमाथि टिक्न नसकेको बजारमा पुनः बिक्री दबाब बढेको संकेत गरेको छ। अघिल्लो साता पनि नेप्सेमा लगातार दबाब देखिएको थियो र साताको अन्त्यमा परिसूचक २,५९९.१५ विन्दुमा झरेको थियो।
प्रतिक्रिया 0