नेपालको बैंकिङ क्षेत्रलाई धेरैले “आकर्षक जागिर” को रूपमा हेर्छन्। बाहिरबाट हेर्दा राम्रो तलब, एयरकन्डिसन अफिस, औपचारिक पोसाक र सम्मानित पेशा जस्तो देखिए पनि वास्तविकता भने धेरै फरक हुँदै गएको छ। विशेषगरी पछिल्ला वर्षहरूमा बैंक कर्मचारीहरू उच्च कर, बढ्दो कार्यचाप, लक्ष्यको दबाब र न्यून सरकारी सुविधाको दोहोरो–तेहोरो मारमा परिरहेका छन्।

आज बैंक कर्मचारीहरू देशकै सबैभन्दा बढी कर तिर्ने समूहमा पर्दै गएका छन्, तर बदलामा राज्यबाट पाउने सुविधा भने लगभग शून्य छ।

यस्तो छ नेपालका कर दर : मध्यम वर्ग सबैभन्दा बढी मारमा

यदि अविवाहित व्यक्तिले वार्षिक रु १५ लाख कमाउँछन् भने हालको नेपाल आयकर स्ल्याब अनुसार कर हिसाब यस्तो हुन्छः

$कुल\; कर$

$५००० + २०००० + ६०००० + १५०००० = २३५०००$

अर्थात् वार्षिक रु १५ लाख कमाउने अविवाहित व्यक्तिले करिब रु २ लाख ३५ हजार कर तिर्नुपर्छ।

अब सुबिधाको कुरा गरौ 

वार्षिक लाखौँ कर तिर्ने मध्यम वर्ग, बैंक कर्मचारी, निजी क्षेत्रका जागिरे र व्यवसायीले राज्यबाट बदलामा के पाइरहेका छन् भन्ने प्रश्न अहिले झन् बलियो बन्दै गएको छ।

नेपालमा नियमित कर तिर्ने वर्गले मुख्य रूपमा उठाउने प्रश्न यस्ता छन्:

• गुणस्तरीय सरकारी शिक्षा कहाँ छ ?
• सरकारी अस्पतालमा सहज र भरपर्दो उपचार किन छैन ?
• सार्वजनिक यातायात अझै अव्यवस्थित किन ?
• कर तिर्ने नागरिकका लागि सामाजिक सुरक्षा कति प्रभावकारी छ ?
• निजी क्षेत्रका कर्मचारीका लागि पेन्सन वा स्वास्थ्य सुरक्षा किन कमजोर ?

धेरै मध्यम वर्गीय परिवारको वास्तविकता यस्तो छ:

• बच्चा निजी स्कूलमा पढाउनुपर्ने
• उपचार निजी अस्पतालमै गराउनुपर्ने
• घरभाडा, EMI, बीमा र कर सबै आफैंले धान्नुपर्ने

अर्थात् कर पनि तिर्ने, आधारभूत सेवा पनि निजी खर्चमै किन्नुपर्ने अवस्था छ।